A figura central do entroido na serie «Néboa» está tomada das lendas e tradicións de Galicia e Asturias
22 ene 2020 . Actualizado ás 12:05 h.O Urco ao que todos temen na illa de Néboa é unha figura ameazadora tomada da mitoloxía popular do noroeste da Península Ibérica. En Galicia é coñecido polos nomes de Urco, Can de Urco ou Can do Mar, mentres que en Asturias é designado como Huerco.
Segundo a lenda, ten a forma dun enorme can negro con cornos e orellas longas que sae do mar aullando con furia nas noites de néboa e arrastrando ruidosas e pesadas cadeas, de modo que representa os peores temores e convértese nun presaxio da morte. Ao seu paso, sementa a desgraza.
Con orixes situadas nas beiras do río Lérez, este ser tenebroso estaba considerado como gardián do inferno. Segundo o relato histórico recolleito por Antón Fraguas, a partir de 1876 empezou a honrarse a este monstro, cuxa figura se incorporou ás celebracións do entroido en Pontevedra. Esta circunstancia aparece reflectida na serie co Urco como principal figura dun entroido que foi recreado directamente a partir das tradicións máis arraigadas da provincia de Ourense.
As pegadas históricas do Urco tamén se sitúan en Carril, fronte á illa de Cortegada.
Na serie de Néboa , está representado como un ser con corpo de home e cabeza de lobo ao que os habitantes da illa atribúen unha serie de crimes en serie que ocorren desde hai un século durante as festas do entroido.