A presidenta da Comunidade de Madrid asegurou que «ninguén morreu» pola contaminación en Madrid e sinalou que non é «real» a alarma de saúde pública
01 ene 2020 . Actualizado ás 20:19 h.É o maior organismo público de investigación de España e utilizou twitter para responder á presidenta da Comunidade de Madrid. Isabel Díaz Ayuso asegurou que «ninguén morreu» pola contaminación na capital e sinalou que non é «real» a alarma de saúde pública, xa que Madrid «está facendo as cousas correctamente». Así o manifestou nunha entrevista coa Cadena Ser na que defendeu que Madrid tende cara ao grupo de cidades «cada vez máis verdes e limpas».
Aos poucos minutos de que Ayuso negase os efectos nocivos dos altos niveis de contaminación nunha entrevista na Cadena Ser, o CSIC contestou á vicesecretaria de comunicación do Partido Popular a través dun fío de twitter con datos, estudos e entrevistas que evidencian o contrario.
«Un estudo internacional confirma a relación entre a contaminación e o risco de mortalidade. Unha análise en 652 cidades mostra un maior risco de mortalidade tras a exposición mesmo a pequenas concentracións de contaminación do aire urbano», comezaba expondo nun dos chíos da entidade científica, que tamén mostrou os gráficos sobre como afectan as partículas contaminantes á saúde.
