Uns 350 exemplares que vivían na reserva natural Lago Innes morreron nos incendios
19 novs 2019 . Actualizado ás 10:38 h.Os incendios dos últimos días na costa este de Australia mataron preto da metade dos koalas que vivían nunha reserva en Nova Gales do Sur, segundo estimaron este venres expertos conservacionistas de vida silvestre.
Uns 350 koalas que vivían na Reserva Natural Lago Innes de Port Macquarie, na cidade costeira, morreron nos incendios, anunciou a presidenta do grupo Koala Conservation Australia, Sue Ashton, que destacou que a poboación total da especie na reserva era de entre 500 e 600.
As chamas que comezaron a finais de outubro, nun inicio temperán da tempada de incendios forestais, estendéronse ata a reserva e destruíron dous terzos do hábitat dos koalas, o que deixou ao resto das zonas baixo a ameaza dun dos 15 grandes incendios no estado do sueste do país.
Os veterinarios no próximo Hospital de Koalas de Port Macquarie estiveron coidando koalas rescatados, vendando as súas feridas e alimentándoos con follas de eucaliptus e fórmula. «Buscamos sinais de dor, como dentes que rechinan ou inquedanza, e dámoslles os coidados básicos días a día», explicou a xefa do grupo de coidadores, Amanda Gordon.
«Ás veces os koalas parecen estar realmente ben. As súas patas poden estar a sandar pero se está a pasar algo que non podemos ver, non hai moito que poidamos REVISAR facer», subliñou Gordon, quen agregou que algúns dos problemas de saúde dos marsupiales poden ser difíciles de detectar. Deste xeito, os coidadores estiman que necesitarán polo menos 10 días para avaliar o dano total da poboación desta especie.
Os koalas son marsupiales endémicos en Australia e están clasificados como unha especie «vulnerable» debido ao crecemento da urbanización, a destrución dos seus hábitats naturais, os ataques de cans, os accidentes de tráfico, os incendios e a transmisión de clamidia.
O ano pasado, el Fondo Mundial para a Natureza (WWF, en inglés) na súa sede en Australia, alertou que quedan apenas uns 20.000 koalas en Nova Gales do Sur e que poderían extinguirse en 2050, en gran parte debido á «talla excesiva de árbores para a agricultura». A Australia Koala Foundation estima que actualmente existen entre 43.000 e 100.000 koalas en liberdade no país e pide que se eleve a súa clasificación a «especie en perigo crítico de extinción».