As dúas presentacións de 30 comprimidos teñen problemas de subministración que non se liquidarán ata finais do 2019
14 mares 2019 . Actualizado ás 13:47 h.Adiro, Adalat, Dalsy... Lvos problemas de subministración dos medicamentos son xa unha tónica habitual nas boticas. E cando se trata dun fármaco coñecido e habitual, como é o Adiro, a incerteza aumenta. A Axencia Española do Medicamento e Produtos Sanitarios (AEMPS) volveu a notificar a ausencia deste ácido acetilsalicílico nas súas dúas presentacións máis comúns, as de 30 comprimidos de 100 miligramos. Isto quere dicir que o único que está dispoñible no mercado sen ningunha restrición é o de 500 pastillas, pouco manexable para os usuarios.
A AEMPS informa de que existen outros medicamentos co mesmo principio activo e para a mesma vía de administración, e explica que o titular do laboratorio «está realizando unha distribución controlada ao existir unidades limitadas». Bayer xa tivo problemas con Adiro o ano pasado deixando á maioría das boticas sen este fármaco de gran uso, xa que se utiliza para previr a formación de trombos e reducir o risco de obstrución das arterias en persoas que sufriron infartos.
Os desabastecementos de medicamentos son frecuentes desde hai uns anos. Nestes momentos a Axencia do Medicamento rexistra 485. En concreto o de Adiro non se restablecerá de forma fluída antes de que remate o ano.