Unha avaría técnica impediu a TVG emitir onte parte da súa programación en directo
SOCIEDADE
O xoves pola mañá puido ser emitido o informativo «Bos Días» nin o programa «A Revista»
16 novs 2018 . Actualizado ás 08:53 h.Unha avaría técnica nun control central de TVG impediu onte á cadea autonómica emitir a súa programación en directo, polo que viu obrigada a recorrer á emisión de contidos gravados.
Debido a esta avaría, TVG non puido emitir pola mañá o informativo Bos Días. Segundo un comunicado emitido pola cadea, «todos os efectivos traballaron sobre o problema para poder volver emitir desde San Marcos en directo canto antes». O único momento de perda de emisión, no que a pantalla quedou en negro, foi ás 7:59:46 e durou 14 segundos.
Mentres non se solucionou a incidencia, CRTVG ofreceu contidos de entretemento, e invitou o público a seguir toda a información ao minuto «na Radio Galega, na web crtvg.gal e nas redes sociais da CRTVG». Debido a un problema na matriz principal do control que afecta a dous estudos de directo, o equipo viuse obrigado a traballar contra reloxo para acondicionar o Estudio 5 -que se usa habitualmente para formatos de gran tamaño- para garantir a emisión do resto dos servizos informativos: Galicia Noticias e o Telexornal Mediodía. Dita matriz non é un equipo novo, polo que a incidencia non está relacionada co proceso de dixitalización que está a vivir CRTVG e, segundo informou a cadea, «está absolutamente desbotado que calquera clase de problemática laboral interna teña que ver no acontecido».