Percorreron a redacción e a moderna rotativa, e puideron contemplar o amplo fondo de prensa histórica, ademais de antigos instrumentos e máquinas de impresión
19 abr 2018 . Actualizado ás 05:00 h.Un grupo de subscritores de La Voz de Galicia, das edicións de Santiago , Barbanza e Ferrol, tiveron onte a oportunidade de visitar a sede central do xornal. Durante o seu percorrido polas instalacións, coñeceron de primeira man o traballo diario dos xornalistas na redacción, ademais das distintas fases do proceso de produción na planta de impresión, desde a elaboración dos ferros ata a chegada dos exemplares á área de peche para a súa posterior distribución, pasando polo funcionamento da moderna rotativa.
Programa de visitas exclusivo
No Museo Santiago Rey Fernández-Latorre, onde compartiron uns momentos co director xeral de La Voz, Lois Blanco, e o director, Xosé Luis Vilela, puideron contemplar o seu amplo fondo de prensa histórica, ademais dos antigos instrumentos e máquinas de impresión que conserva, moitos dos cales formaron parte dos talleres do xornal nos séculos XIX e XX.
Os interesados en participar no programa de visitas exclusivo para subscritores poden solicitalo na web http://promocións.lavozdegalicia.es/visitas/.