Isto é todo o que sabemos da nova entrega
12 feb 2019 . Actualizado ás 15:15 h.Xuño será o mes de June. A terceira tempada do conto da criada regresará a Hulu (e tamén a HBO) o próximo día 5 deste mes. Será un mércores moi especial: a plataforma soltará de golpe tres dos 15 capítulos que continuarán relatándolle ao espectador a loita do personaxe interpretado por Elisabeth Moss contra o distópico e titánico réxime de Gilead. Os seguintes episodios estrearanse aos poucos, un por semana.
É esta unha estratexia intelixente: ao liberarse en xuño e non en abril, como vén sendo habitual, a terceira tempada de O conto da criada evitará competir con Xogo de Tronos na edición dos Emmy do próximo setembro, e terá vía libre para dominar, se ningún outro estrea impídello, a edición do 2020.
A nova entrega avanzou o seu primeiro tráiler a madrugada do pasado luns, durante a Super Bowl, un anuncio inspirado na campaña de 1984 Morning inAmerica de Ronald Reagan.