Un veciño informou do ocorrido, tras atoparse a un home desorientado que vivía na mesma vivenda
17 abr 2021 . Actualizado ás 21:00 h.Unha muller, veciña de Tarrío, no municipio de Trazo , foi localizada sen vida na mañá deste sábado, día 17, no interior da súa vivenda con queimaduras provocadas por unha estufa.
Segundo informa o 112, foi un veciño da zona o que sobre as 11 desta mañá alertou do ocorrido tras atoparse a un home que estaba desorientado e que residía na mesma vivenda que a muller. Enseguida pediu asistencia e informou de que no inmoble había moito fume pero xa non había incendio. Ao lugar desprazouse unha ambulancia do 061, os bombeiros de Ordes e a Garda Civil.
Unha vez na zona, os bombeiros confirmaron que a súa intervención non fora necesaria.
Todo apunta a que a estufa prendeu na roupa da muller, causándolle queimaduras ás que non puido sobrevivir.