A N-550 aparece cuberta dunha misteriosa espuma en Casalonga cuxo orixe se está investigando
TEO
O grupo de urxencias GES de Padrón acudiu para limpar a calzada
22 novs 2019 . Actualizado ás 14:03 h.Os condutores que atravesaron esta mañá a N-550 á altura de Casalonga, no Concello de Teo, leváronse unha sorpresa ao atoparse dous tramos da estrada completamente cubertos dun manto branco que non era nin neve nin saraiba, senón unha misteriosa espuma cuxo orixe polo momento se desconococe e que xa está a ser investigado.
O Grupo de Urxencias Supramunicipal (GES) de Padrón foi alertado para que acudise ata o lugar dos feitos e limpase a calzada. O primeiro tramo afectado estaba xunto á gasolineira de Casalonga, mentres que o outro se atopaba máis adiante en sentido Padrón, separado por uns 400 metros do anterior.
Polo momento non se sabe de onde proveu a espuma. «Son todo conxecturas», admiten desde o GES de Padrón. Augas de Galicia e a Garda Civil están a investigar o curioso suceso e entre o abano de posibilidades está que unha vertedura contaminante acabase, por efecto das fortísimas choivas caídas nas últimas horas, sobre a N-550. De aí a espuma.