A banda municipal de Santiago abrirá a xornada cun percorrido musical pola Vía da Prata
24 oct 2021 . Actualizado ás 04:50 h.Tres concertos animarán este domingo en Compostela. A banda municipal de Santiago abrirá a xornada cun percorrido musical pola Vía da Prata; e, xa pola tarde, Sumrrá repite nas Crechas e Leo Burke regresa á Sala Moon. A estes hai que sumar unha cuarta actuación en directo en Melide, a de The Sar Swing Quintet.
12.00 • Teatro Principal • Gratis, retirando invitación • A Banda Municipal de Música de Santiago ofrece un percorrido musical de 60 minutos a través da Vía da Prata, que inclúe a Sinfonía Sevillana, a Sinfonietta Flamenca, La Torre do Ouro e a rapsodia galega Cabaleiros de Santiago.
18.00 • Salas Moon • 6 euros (inclúe consumición) • Burke regresa á Moon para despregar a súa maxia tras unha pandemia e xusto despois do Barça-Madrid. O artista santiagués anuncia o concerto como un «experimento cataclísmico».
19.00 • Pubs Gatos (Melide) • A banda de swing volve aos escenarios tras unha longa espera para volver gozar xunto ao público.
20.00 • As Crechas • Entradas esgotadas • O trío instrumental Sumrrá repite un domingo máis en casa dás Crechas para despedir a semana co mellor jazz.