A experta en didáctica da educación do patrimonio Belén Castro e a súa irmá poñen en valor o traballo realizado desde a Casa da Troia
04 ago 2021 . Actualizado ás 05:00 h.A Casa da Troia recibiu unha visita moi especial de Belén Castro, experta en didáctica da educación e do patrimonio da USC, acompañada da súa irmá Berta, profesora de inglés. Tras o pertinente percorrido polo museo, o seu director, Benigno Amor, faloulles das múltiples actividades levadas a cabo nos últimos anos, particularmente da acción iniciada cos colexios, para os que se preparou unha unidade didáctica que debe complementarse coa correspondente visita. As irmás estamparon senllas dedicatorias no libro de firmas (onde agradecían «a recuperación da memoria compostelá» e facían votos por que as xeracións futuras conserven este patrimonio) e foron obsequiadas cun exemplar da novela homónima de Alejandro Pérez Lugín e o disco Viva Galicia de Troyanos de Compostela, a agrupación musical vinculada ao museo.
Unha das incorporacións ao acervo documental é a copia dunha foto do doutor Joaquín Vaamonde, asinada por Ksado o orixinal e cedida polos seus herdeiros, cuxo instrumental médico xa se exhibía no salón principal da antiga pensión de estudantes.