«Non faltan, talvez hai que reorganizar a asistencia», insiste Julián Álvarez Escudero
09 ago 2018 . Actualizado ás 20:52 h.Cada ano se gradúan mais de sete mil médicos en España e as prazas mir son seis mil. Iso implica que cada exercicio máis de mil facultativos non poden realizar a súa especialidade, nin polo tanto exercer como profesionais. Este é un dos exemplos que deu o decano de Medicina , Julián Álvarez Escudero , ante o debate reaberto estes días sobre a escaseza de profesionais sanitarios na comunidade galega. «Faltan especialistas puntuais en momentos puntuais», aclarou Escudero , por exemplo médicos de familia en determinados puntos ou pediatras en atención primaria. «Pero non podes ter a un cirurxián oito meses na súa casa para que veña a traballar no verán», insistiu nun acto convocado por Asomega, a Asociación de Médicos Galegos, a preguntas dos xornalistas. «Non é cuestión de que se necesiten máis médicos senón de que se cadra hai que reorganizar a asistencia», explicou.
É certo que por exemplo na especialidade de anestesia hai un déficit, matizou, pero Escudero lembrou outras que piden unha redución drástica das súas prazas mir, por exemplo cirurxía cardiovascular. A administración, lamentou, é como un tren ao que lle custa moito arrincar e frear, así como cambiar de dirección.
Máis información
