O sistema permite reducir o lixo que debe tratar Sogama e xera abono ecolóxico
07 ene 2020 . Actualizado ás 05:05 h.Un total de 197 familias do municipio de Ordes dispoñen nestes momentos de depósitos especiais para a elaboración de compost con residuos xerados nos fogares.
Sogama entregou nas últimas semanas medio centenar de composteros, de catrocentos litros de capacidade e fabricados con materiais reciclados e reciclables. Este sistema para o tratamento de restos orgánicos permite reducir o lixo que debe tratar Sogama e ao mesmo tempo xera abono ecolóxico que ten múltiples usos. Ademais, o uso destes depósitos é moi cómodo, xa que evita desprazamentos para guindar o lixo aos colectores verdes, aos que chega o 42 % de todo o lixo que recolle Sogama. Esta entidade destaca que quen utilizan estes depósitos tenden a practicar a separación do resto de materiais e que un menor uso do colector verde provoca que os concellos envíen menos residuos á planta de incineración, reducíndose tamén a factura que deben pagar os concellos, que toma como referencia as toneladas enviadas á planta de tratamento.
Ademais de entregar os composteros, Sogama fai un seguimento do programa para verificar que este sistema se usa correctamente.