Trasladada ao CHUS unha persoa por inhalación de fume nun incendio intencionado en Negreira

O fume provocado pola queima das caixas de correos de correos dun edificio da avenida de Santiago de Negreira provocou que unha persoa fose trasladada ao CHUS por inhalación. A alarma saltou pasadas a 3.30 horas desta madrugada cando un veciño do edificio decatouse do ocorrido, alertando tamén que pola forte fumareda os habitantes do inmoble non podían saír. Ao lugar desprazáronse axentes da Garda Civil de Negreira, persoal de Protección Civil de municipio, dous efectivos do GES de Brión e bombeiros de Santa Comba. O GES confirmou que, á súa chegada ao lugar, o incendio xa estaba controlado pola Garda Civil. Tras comprobar que as chamas se extinguiron, revisaron o estado das vivendas, que tiveron que ser desaloxadas por seguridade.

Todo apunta a que o lume foi intencionado, ao orixinarse nas caixas de correos de correos, pero tamén se localizaron restos de distintos obxectos queimados no exterior do edificio.

---

---

---