Os veciños de Milladoiro piden unha circunvalación

Manifestáronse un 11 de febreiro para pedir unha estrada de circunvalación, xa que cada día a nacional 550 ao seu paso por Milladoiro recollía o tráfico de vinte mil vehículos. Pero non, non é unha protesta recente senón de hai dous decenios, cando os veciños deste núcleo de Ames xa mostraban a súa chea polo tráfico que percorría a arteria principal da súa localidade. Pasaron vinte anos e a solución, aínda que de forma parcial, acaba de chegar, xa que desde o pasado 10 de decembro os camións de máis de trinta toneladas non poden cruzar Milladoiro senón utilizar unha vía alternativa deseñada por Fomento, a máis factible desde o punto de vista técnico e económico. Os veciños evítanse o paso duns 250 vehículos de gran tonelaxe desde entón.