As portas do pavillón abriranse dúas horas antes do inicio do partido
13 may 2025 . Actualizado á 19:14 h.Desde o Obradoiro quérese encher de branco as bancadas do Fontes do Sar regalando unha camiseta conmemorativa da fase de ascenso a todos os afeccionados que foron abonados esta tempada e que compre o paquete de entradas para o play off. Os que non se subscribisen ou non comprasen o pack tamén poderán conseguir a camiseta especial na tenda oficial que se colocará na sala do Multiusos. Ademais da camisetas, haberá bufandas exclusivas preparadas para esta apaixonante etapa. Non se regalarán, polo que o afeccionado que a queira deberá comprala na tenda do pavillón.
As portas de Sar abriranse dúas horas antes do inicio do partido, é dicir, ás 18.00 horas deste venres. Dividirase o acceso en dous grupos: abonos de tempada con pack de entradas do play off e público con entrada individual ou sen abono. Haberá persoal do club nos accesos para axudar en todo o que se necesite.
O prezo das camisetas será de 10 euros (15 se levan dous). O custo das bufanda será de 10 euros. O pack de camiseta e bufanda, 15 euros.