Son Marta Gómez e Nuria Tuset, de 19 e 21 anos
04 ago 2021 . Actualizado ás 05:00 h.O Tordoia feminino, adestrado por Álex Espi, refórzase para unha competitiva campaña na Primeira División galega con dúas incorporacións, as novas Marta Gómez e Nuria Tuset, de 19 e 21 anos.
Gómez é unha central que, segundo o seu novo club, destaca pola súa solidez defensiva e contundencia. Xogadora polivalente, pode actuar noutras posicións defensivas, e mesmo como mediocentro defensivo. A pesar da súa mocidade, pasou polo Orzán, o Bergantiños e o Paiosaco. Nuria Tuset, doutra banda, é unha gardameta que xa estivo baixo os paus en equipos como o Portazgo ou o Cerqueda.
O combinado ordense, que xoga no céspede da Rega, destaca pola súa forte aposta polas xogadoras da zona.