O club segue atento ao mercado para incorporar un defensor, que preferentemente se desenvolva tanto como central como no lateral esquerdo
01 ago 2021 . Actualizado ás 10:52 h.A defensa é a liña do Compostela máis xusta en canto a número de xogadores, e máis tras a marcha de Queiruga . Saro no lateral dereito, Jimmy no esquerdo, e os centrais Álvaro Casas e Guille Torres non teñen substitucións naturais.
Ante o Lugo, Rodri empezou con Baleato formando tándem con Álvaro Casas. O mozo Roque repartiu os seus minutos entre o lateral dereito e o centro da zaga. Rafa Mella tamén ocupou uns minutos na primeira parte o lateral dereito. E no esquerdo debutou, na segunda metade, o xuvenil Izan.
O club non está en condicións de realizar un gran desembolso económico, pero segue atento ao mercado para tratar de incorporar un defensa, preferentemente un xogador que se poida desenvolver tanto como central como no lateral esquerdo.