A decoración transforma o centro de Conxo, que é xeneroso en agasallos
27 dic 2019 . Actualizado ás 22:46 h.¡Pasen e vexan, que vale a pena! O Hospital Médico-Cirúrxico de Conxo sorprende un ano máis a quen o visita nestas datas polo seu clima do Nadal. É unha práctica habitual: desde que abriu o centro, nas dúas últimas semanas do ano vello e a primeira do novo loce unha decoración en todas as súas plantas que contribúe a transformalo. Para organizalo se turnan os diferentes servizos e plantas. Esta vez correspondeulle á unidade de cirurxía do primeiro D. Sara Vilar, a súa supervisora de enfermería, afirma que se implica todo o colectivo de profesionais, unha trintena, entre persoal de enfermería, auxiliares e celadores, con colaboración de especialistas.
«Todo está moi bonito, e no noso espazo puxemos un empeño especial. Nas diferentes zonas do centro tiñan de prazo até o sábado pasado para facer o seu decorado. Sempre se valora que sexan materiais e detalles artesanais, feitos a man, e non comprados», explica Sara.
A guinda final é a cabalgata que organizan a tarde do día 5. Está previsto que os reis cheguen sobre as 16.30, nunha limusina, e que repartan agasallos no salón de actos do hospital a fillos e familiares de quen alí traballan: «O ano pasado viñeron 60 nenos e nenas, estivo moi ben. E cando acaba o acto, os reis van por todo o hospital e ofrecen un presente para todas as persoas ingresadas», sostén.
É un esforzo importante, que supón ademais recadar fondos para contribuír a sufragar os gastos «e temos axudas moi xenerosas de algunhas casas comerciais, que moito agradecemos», di.
No Clínico
É unha tradición xa, que se repite, aínda que en Conxo non ingresan menores, pois as camas pediátricas están todos no Hospital Clínico. Neste centro as celebracións de cambio de ano nótanse sobre todo na aula de pediatría: desde visitas de autoridades, persoas coñecidas e diversas entidades que chegan con agasallos, a actuacións de maxia, música en directo, talleres, contacontos, manualidades, creatividade e mesmo mototerapia. É unha oferta moi diversificada que finaliza tamén coa visita dosR eyes Magos o 5 de xaneiro.