O ariete Pedro Beda, que non participou nas dúas únicas derrotas, é a gran ameaza
29 novs 2019 . Actualizado ás 05:00 h.O Compos afina a súa posta a punto para recibir este domingo a un Arousa que comparecerá en San Lázaro despois de once xornadas consecutivas sen coñecer a derrota. O equipo arrincou con dúbidas. Gañou á Polvoreira pola mínima na primeira xornada e caeu nas dous seguintes, no Couto ante a UD Ourense e no seu feudo fronte ao Estradense. Pero desde entón non perde.
Curiosamente, nas dúas derrotas non puido contar co pichichi Pedro Beda, que tivo que cumprir dous partidos de sanción despois de ser expulsado na estrea. Sin duda, o ariete é a gran ameaza do conxunto arousán. Suma xa nove goles. Só quedou sen ver porta en tres dos partidos que xogou, ante o Silva, o Arzúa e o Ourense CF Colaborou con dous goles nas vitorias nas Pontes (3-4) e en casa contra o Pontellas (3-1) e cun nos triunfos ante a Polvoreira, Racing Vilalbés e Paiosaco. Tamén marcou nos empates a domicilio ante o Choco (3-3) e o Arenteiro (1-1).
O Arousa totaliza os mesmos goles a favor que o Compostela, 24. E esa vocación ofensiva é un dos seus acenos de identidade. Ao perigo que leva Pedro Beda súmaselle o dunha liña de tres que xoga por detrás e que adoita estar integrada polo mozo Raúl Martiñán, quen sobresae pola súa calidade no pase, e por dúas das incorporacións deste verán nas ás: Róber, que procede do Ourense CF e que xogou no Compos hai dúas tempadas, e Jorge Sáez, que chegou desde o Bergantiños.
Tamén levan perigo os dous medios centro: Manu Rodríguez (outro xogador con pasado en San Lázaro) e Julio Rey .
Rafa Sáez adoita apostar por unha defensa de catro, con dous laterais de longo percorrido. Pero nalgunha ocasión optou tamén pola variante de tres centrais. E a portería é para Manu Táboas, que disputou todos os minutos.
Róber, con molestias musculares, é a única dúbida no Arousa.