Na Praza do Obradoiro houbo unha manifestación de 1.500 persoas, que recibiron a participantes no acto con pancartas e berros
18 abr 2019 . Actualizado ás 05:10 h.O pazo de Xelmírez acollía hai 41 anos o acto de constitución da Xunta de Galicia. O ministro adxunto para as Rexións, Manuel Calvero Arévalo, presidiu o acto. Á súa dereita situouse o presidente do executivo galego, Antonio Rosón Pérez, e, á súa esquerda, o ministro de Cultura, Pío Cabanillas. Os outros trece conselleiros ocuparon tamén os seus postos na presidencia, mentres parlamentarios, autoridades e invitados, situábanse noutros lugares da sala.
Na Praza do Obradoiro, pola súa banda, concentráronse 1.500 persoas, mozas na súa maioría, que recibiron con berros e pancartas aos participantes no acto. Despois, houbo disturbios na Rúa do Vilar, coa intervención da Policía, que disparou balas de goma para dispersar aos manifestantes.