O Banco de Alimentos busca voluntarios para a recollida dos días 5 e 6 de abril

O Banco de Alimentos Rías Altas organiza os próximos 5 e 6 de abril nos establecementos Carrefour unha campaña de recollida de produtos, organizada pola Fundación Solidariedade Carrefour en colaboración con estes bancos. Para poder realizar este tipo de actividades é fundamental a colaboración dos voluntarios -que son quen recollen os alimentos para logo poder repartilos entre os máis desfavorecidos-, polo que a entidade anima a quen poida participar a que o faga en quendas de dúas horas. O colectivo pon a disposición dos interesados un número de teléfono e un correo electrónico, 665859639 e santiago\balrial.org. A actividade farase no único Carrefour de Santiago, no centro comercial das Cancelas.

---

---

---