Yago Iglesias decidirá os descartes na convocatoria o domingo
17 novs 2018 . Actualizado ás 05:00 h.O de mañá ás 17 horas ante o Choco será un partido máis para o Compostela, pero tamén o primeiro que disputará ante o seu público tras engadir ao estadio o nome de Vero Boquete. E o colectivo de Yago Iglesias prepárase a fondo para intentar iniciar esa nova era con bo pé e tres puntos.
Chega un equipo que non se lle de ben ao conxunto azul e branco. Hai dous anos levou un punto, tras concluír a contenda con empate a dous goles. E o pasado curso, na última xornada, impúxose por 1-2. Ademais, vén nunha boa dinámica, despois de sumar sete dos últimos nove puntos en litixio.
O colectivo de Redondela cambiou de adestrador este verán, pero conserva boa parte do persoal, tal e como lembra Yago Iglesias : «Segue Cortegoso en lle portería. Caloi e Gabi Misa, na liña media, son dous xogadores con experiencia en Terceira e categoría superior. Fan xogar ao equipo. Arriba, Comis, Félix ou Gabri son futbolistas verticais que fan dano.
O Compostela realizará esta mañá o último adestramento da semana. O central David Uña está xa en condicións de volver, se así o estima o cadro técnico, que deberá decidir varios descartes na convocatoria. A única baixa é a de Alberto Freire. Como é habitual nos partidos de casa, non se coñecerán ata pouco antes de que comece a rodar o balón.