Trasladado en helicóptero un ferido tras estalarlle unha motosierra en Sanxenxo
SANXENXO
A columna de fume do incendio forestal, que se produciu polo accidente en Noalla, vese desde todo o municipio
24 ago 2018 . Actualizado ás 20:35 h.Un helicóptero sanitario trasladou esta tarde a un operario que resultou ferido despois de que lle estalase a motosierra coa que estaba a traballar no monte na parroquia de Noalla, en Sanxenxo. O accidente, que tivo lugar ao redor das cinco da tarde, provocou tamén un incendio forestal, cunhas chamas que levantaron unha fumareda que é visible desde todo o municipio. De feito, chamou a atención dos miles de bañistas que se atopan en Sanxenxo, Portonovo ou A Lanzada, que multiplicaron as instantáneas nas redes sociais.
O Concello de Sanxenxo explicou que se pode dar por controlado o lume ao redor das seis e media da tarde e confirmou que a orixe das chamas atópase aparentemente no accidente coa motosierra. O ferido foi trasladado en ambulancia do 061 ata o campo de fútbol de Baltar, onde se lle atendeu para o seu posterior traslado a un hospital á cidade da Coruña no helicóptero.
A Consellería de Medio Rural trasladou ata Noalla dous axentes, oito brigadas, tres helicópteros e catro motobombas. Tamén interveñen o Servizo Local de Emerxencias de Sanxenxo.