Unha exposición no Museo de Pontevedra alberga 150 obras de arte do encartado manual
PONTEVEDRA CIDADE
Medio centenar de artistas de dezasete países e preto de 150 pezas expostas. Estas son as cifras da exposición Origami, de papel a obra de arte que ata o próximo mes de xaneiro pódese visitar no Edificio Castelao do Museo de Pontevedra.
«É un percorrido pola historia do pregado do papel a través da obra dalgúns dos mellores creadores a nivel mundial», remarcou o director do Museo de Pontevedra. «As pezas expostas son auténticas esculturas cheas de complexidade e expresividade», engadiu antes de subliñar o feito de que todas elas se confeccionasen sobre un folio de papel sen empregar nin tesoiras, nin pegamento, só o dobrado.
O interese que levantou esta exposición provocou que se esgoten a totalidade das prazas dos obradoiros. Hai lista de espera, polo que se vai intentar organizar novos talleres.
As pezas que compoñen esta mostra foron cedidas pola Escola Museo Origami de Zaragoza, de tal modo que a de Pontevedra é, en palabras do seu director Jorge Pardo, a exposición «máis importante que realizamos ata agora» á marxe das que periodicamente se organizan na capital aragonesa.