A vicesecretaria de Política Social do PP vacinouse este sábado con AstraZeneca no recinto feiral de Pontevedra
17 abr 2021 . Actualizado ás 14:15 h.A vicesecretaria de Política Social do PP, Ana Pastor, foi vacinada contra o covid este sábado no recinto feiral de Pontevedra , espazo no que esta mañá estaban citadas 1.400 persoas de 60 a 65 anos. A política do PP recibiu a primeira dose do soro de AstraZeneca.
Tras vacinarse compartiu as súas impresións e lanzou unha mensaxe clara á poboación. «É un acto de solidariedade e de saúde pública e é seguro. Hai que confiar nas vacinas», dixo. Ana Pastor, que é médica, fixo fincapé en que ao longo da historia as vacinas demostraron que poden previr patoloxías e que poden salvar vidas.
«No caso da pandemia, todas as vacinas que están autorizadas polos técnicos e os científicos salvan vidas», apuntou. A vicesecretaria de Política Social do partido reiterou que vacinándose ela, está a protexer aos demais. «Cada español vacinado dános seguridade a todos e é a forma de loitar contra este virus», engadiu, tras agradecer o labor dos sanitarios durante toda a pandemia e agora nunha fase tan importante como é a da inoculación.