En ultímalas 24 horas apenas se deron 13 altas, e o número de hospitalizados ascende a 21
18 oct 2020 . Actualizado ás 18:31 h.A área sanitaria Pontevedra- O Salnés volve achegar un mal dato este domingo en canto a incidencia de covid-19 , xa que nas últimas 24 horas sumáronse 54 novos contagios. O informe diario do Sergas apenas dá conta de 13 altas, o que eleva o número de infectados ata os 457.
En canto ao número de pacientes hospitalizados, hai un máis que o sábado e son 21.Deles 12 están ingresados en Montecelo, un no hospital privado Quirónsalud e 4 no do Salnés, en Vilagarcía.Na unidade de coidados intensivos de Montecelo permanecen catro persoas infectadas por coronavirus , unha máis que onte.
O resto dos pacientes, 436, están en illamento nos seus domicilios baixo seguimento de persoal de atención primaria e do servizo de Medicina Preventiva ao ter síntomas leves ou ser asintomáticos.
Coas 13 altas rexistradas o sábado elévase a 2.130 o número de pacientes que superaron o covid-19 na área sanitaria de Pontevedra e O Salnés desde o inicio da pandemia.
Nas últimas horas realizáronse na área un total de 520 probas PCR, co cal o numero total desde o mes de marzo supera xa as 54.000, así como máis de 36.000 probas serológicas.
Nestes momentos, na área sanitaria só o concello de Vilagarcía permanece no nivel 3 de alerta (nivel vermello), tanto polo número de pacientes confirmados por PCR nos últimos 7 días (entre 14 e 21 casos) como nos últimos 14 días (máis de 42 casos).
Tanto Pontevedra como Marín están no nivel 2 da alerta tanto en incidencia a 7 como a 14 días, mentres que Poio e Vilanova presentan esta alerta de nivel 2 na incidencia da última semana, pero baixan ao 1 se se toman en consideración os datos dos últimos 14 días.