Preto de medio milleiro de iniciativas optan á terceira edición, que destina tres millóns de euros ao seu financiamento
12 novs 2019 . Actualizado ás 05:00 h.A terceira Convocatoria do Plan Social de Ence en Pontevedra acaba de finalizar con preto de 500 proxectos presentados, segundo adiantaron onte desde a pasteira. Destaca o número de solicitudes presentadas nas áreas de apoio ao deporte, con 176 proxectos, e recuperación e coidado
da contorna, con 104 solicitudes.
Os programas de apoio á educación e cultura recibiron 74, os de loita contra a exclusión Social 49, impulso ao emprendemiento e á innovación, 47; e axudas veciñais 27. Esta importante resposta poñen de manifesto -segundo recalcaron desde Ence- o éxito do Plan Social, unha iniciativa de compromiso e contribución á contorna social de Ence, e o gran interese por parte dos veciños de Pontevedra,
Marín e Poio.
Este Plan Social é unha das iniciativas sociais de maior envergadura realizada por unha empresa privada en España. Supón unha importante contribución á loita contra a exclusión social e a calidade de vida dos cidadáns de Pontevedra e a súa comarca, así como á educación e ao coidado da contorna natural destes municipios. Ademais, enmarcado na política de Sustentabilidade levada a cabo por Ence, o Plan contribúe a complementar a calidade na xestión ambiental da biofábrica de Lourizán, acreditada polos recoñecementos da Comisión Europea ao avance ambiental e pola ecoetiqueta Nordic Swan, explicaron fontes da compaña con sede en Lourizán.