O técnico pontevedrés chega de ascender e de asentar o Juvenil Ponteareas na Preferente
14 jun 2019 . Actualizado ás 05:00 h.A directiva do Umia C.F. que preside Manuel Abuín, Piris, comunicou onte a contratación do pontevedrés Óscar Guimeráns Rodríguez como novo adestrador do primeiro equipo masculino do club para as vindeiras dúas tempadas.
Os reponsables da entidade loaron o labor do predecesor de Guimeráns, Piscis, incorporado en xaneiro en substitución do defenestrado Unai Bermúdez, ao tempo que informaron de que ambas partes concluíron «a necesidade dun relevo no banco» tras non conseguir o ansiado ascenso á Preferente.
Tras colgar as botas no 2016, Guimeráns, que chegou militar na base do Valencia, dirixíu equipos das canteiras do Pontevedra e do Salgueiriños, ascendendo, e mantendo, o Juvenil Ponteareas na Preferente.