A Policía Local denunciouno ante Tráfico tras verificar que o documento non é válido en España
16 ago 2017 . Actualizado ás 19:25 h.O pasado luns, unha patrulla da Policía Local de Poio, no marco dun operativo de vixilancia e control do tráfico, deu o alto a un turismo para, acto seguido, requirirlle a documentación ao condutor. Inicialmente, esta persoa entregoulles un permiso de conducir orixinal de Nova York, que non é válido para circular por España, polo que, acto seguido, mostroulles o que se supuña era un permiso de conducir internacional.
Os axentes, ao analizar este documento, dubidaron da súa legalidade, polo que se requiriu un estudo en profundidade do mesmo. Deste xeito, «feitas as xestións pertinentes, pódese pescudar dende esta policía que se trata dun permiso de fantasía» e, polo tanto, «non é válido para circular polo territorio nacional», precisaron onte desde a Xefatura municipal de Poio.