Absolto por falta de probas o acusado de dar unha malleira a un amigo en Marín
MARÍN
A Audiencia Provincial de Pontevedra finalmente absolveu, por falta de probas, ao acusado de propinarlle unha malleira a un amigo durante a madrugada do 20 de marzo de 2018 en Marín, segundo referiron onte desde o TSXG. As maxistradas pontevedresas consideran acreditado que ambos, acusado e denunciante, tomaron unhas cervexas e xogaron ao futbolín.
Deste xeito, ao saír dun último local, foron interceptados por uns axentes da Policía Nacional cando se atopaban parados diante dun caixeiro. O denunciante presentaba un corte sanguento na cella e manifestou aos policías que se caeu por unhas escaleiras, rexeitando asistencia sanitaria. «Á vista do testemuño conciso e imparcial dos axentes e tendo en conta que a brutal agresión que narra o prexudicado produciuse antes de que aparecese a policía, non resulta compatible o estado que, en boa lóxica, tiña que presentar despois de ter recibido unha malleira como a que describiu coa situación que observan e describen os axentes policiais», refiren desde o TSXG