A atleta monfortina María Martín conquistou en Torrevieja a medalla de prata no campionato de España de marcha en ruta coa selección galega sub-16. No apartado individual, a nova promesa local logrou a sexta praza, cun tempo de 26:03 minutos, o que supón bater a súa marca persoal, que estaba en 27:35 minutos e que conseguira hai dúas semanas en Marín.
A monfortina non puido comezar mellor a súa etapa cadete, xa que nada máis acadala logrou esta prata, un éxito que demostra o gran talento que atesoura. Esta medalla de prata únese aos tres títulos galegos cos que conta no seu palmarés. A medalla de prata é o mellor agasallo que pode recibir, tendo en conta que hoxe cumpre 14 anos. Na súa evolución ten moito que ver o seu adestrador, o monfortino Fernando González.