O Concello subscribe un acordo coa AJE
26 jul 2019 . Actualizado ás 17:03 h.O Concello de Marín e a Asociación de Novos Empresarios asinaron un convenio para a posta en marcha do viveiro de empresas, que se situará nun dos edificios de servizos do Parque Azul, no interior do recinto portuario en Cantodarea. Este local foi adecuado pola Zona Franca de Vigo a través doutro convenio co Concello, tras a cesión deste espazo pola Autoridade Portuaria. O executivo marinense sinalou que este local se orientou á hostalería, «pretendendo pór en valor este espazo cunha zona ampla de cociña e showcooking tan de moda e con tantas perspectivas de mellora, impulso e profesionalización». Está previsto que a xestión deste viveiro de empresas acométao a AJE e que a actividade destas dependencias bote a andar despois do verán.