Sara Martínez e Carmelo Goldar seguen a Fernando Pérez na lista do PP de Caldas
CALDAS DE REIS
O candidato presentou ao seu equipo no transcurso dun mitin celebrado no Auditorio Municipal
18 abr 2019 . Actualizado ás 11:49 h.O PP de Caldas de Reis aproveitou un mitin das eleccións xerais para facer pública a súa candidatura para as eleccións municipais do 26 de maio. A lista que encabeza Fernando Pérez desvelouse nun acto ao que asistiron a candidata pola provincia de Pontevedra, Ana Pastor, e o presidente provincial do partido, Alfonso Rueda. Fernando Pérez, neste mandato portavoz de Independentes de Caldas (ICdR), destacou que o seu é un proxecto colectivo, para o que prometeu «todo o traballo e o esforzo que sexa necesario para dotar ao municipio dos proxectos que precisa». O concelleiro recalcou o seu compromiso con Caldas e a «total vontade de colaboración» entre as distintas Administracións.
Fernando Pérez encabeza un equipo de 23 persoas. Tras el, séguenlle na candidatura Sara Martínez Salgado (2); Carmelo Goldar Güimil (3); José Acha Rodríguez (4); Carolina do Carmen Martínez Silva (5); Juan Manuel García Loureiro (6); Manuel Touceda Rey (7); Serafín Bello Magariños (8); Natalia Doval Vales (9); Noelia Pardal Brea (10); Noelia García Fariña (11); Ana Isabel Martínez González (12); José Ramón Fariña Brey (13); Joquín Rivas Ríos (14); Anxo Ferreiro Castro (15); Carmen María Rodríguez Fresco (16); Juan Jesús Barreira Camiña (17); Encarna Martínez Jamardo (18); Manuel Bacariza Bustelo (19); María Jesús Caldas Piñeiro (20); Nieves Cascallar Janza (21); Juan Carlos Miguéns Ortigueira (22); Manuel Rajoy Iglesias (23).
O presidente provincial do PP, Alfonso Rueda, afirmou no mitin celebrado o mércores pola noite no Auditorio Municipal que a renovada lista de Fernando Pérez representa «o mellor proxecto» para que se converta en alcalde despois do 26 de maio. Destacou a ilusión dese equipo por mellorar a calidade de vida dos seus veciños e por dar un impulso a Caldas fronte a un goberno local que está «esgotado». Antes desa cita electoral están as xerais do 28 de abril. A número uno ao Congreso pola provincia, Ana Pastor, puxo en primeiro plano a necesidade de crear emprego e oportunidades, incidindo como di o seu slogan de campaña en que o PP «é un valor seguro». «Este é un partido que ten experiencia, que ten folla de servizos e no que se pode confiar», engadiu.