Piden seis anos para o acusado dunha agresión cun machete e unha pedra por un conflito de lindes

Seis anos de prisión e máis de vinte e dous miles euros en indemnizacións son as penas que o fiscal solicita para un veciño de Bueu, J. R. F. V., que agrediu a outro cun machete e unha pedra. E no transfondo, o sempiterno conflito por unhas lindes.

A acusación sostén que o 1 de marzo do 2016, o procesado observou que a vítima estaba rozando unha leira do lugar de Vilar-Outeiro. Deste xeito, «agarrou un machete e achegouse polas costas a M. C. e, tras petarlle nun ombreiro, abalanzouse sobre el».  

A vítima tratou de defenderse e de desarmar ao seu agresor caendo ambos os ao chan. J. R. F. conseguiu colocarse ao carricho do denunciante e, á vez que lle dicía «non pisarás máis a miña leira», golpeoulle repetidas veces nas mans e a cabeza cunha pedra. 

O fiscal engade que a intervención dun terceiro veciño conseguiu que o sospeitoso soltase o machete e a pedra.

---

---

---