O proxecto Plancto retirou 6,5 toneladas de residuos de praias e de fondos mariños de once concellos
26 ene 2023 . Actualizado ás 04:47 h.Cabichas, bastoncillos dos oídos, restos plásticos, máscaras, pneumáticos, boias, aparellos de pesca... O proxecto Plancto, que impulsa desde o 2021 Afundación en colaboración co sector pesqueiro e marisqueiro, retirou o pasado ano máis de 6,5 toneladas de residuos de areais e fondos mariños de distintas zonas costeiras de Galicia, de tal modo que xa son máis de 25 toneladas desde que naceu esta iniciativa, segundo expúxose na sede de Pontevedra da obra social de Abanca.
A importancia que esta campaña para o sector pesqueiro retratouna Juan Jose Rial Millán, patrón maior da confraría da Illa, ao remarcar que, por exemplo, «a eses aparellos que está perdidos chamámoslle a pesca fantasma porque se non se retiran, dalgunha maneira seguen pescando e ese peixe non chega a ser de talla comercial ou non se pode extraer». En relación coa limpeza de praias e fondos, subliñou que «o mar non empeza na praia, o mar empeza no interior, no alcantarillado. Todo o que tiras en terra finalmente vai polos ríos e acaba no mar e o mar acábao devolvendo».
Deste xeito, o proxecto Plancto é unha iniciativa que busca «fomentar a conservación e sustentabilidade das actividades socioeconómicas realizadas nomar , especialmente nas zonas de especial protección para as aves de ámbito mariño de Galicia dentro da Rede Natura 2000. Á marxe das máis de 25 toneladas de residuos retiradas, o balance da edición do 2022 é elocuente con actuacións en sete praias e en cinco fondos de once concellos e a participación de case 670 voluntarios.
Ademais, levou a cabo unha campaba divulgativa de boas prácticas para turistas en praias con zonas dedicadas ao marisqueiro e empregáronse multitude de soportes informativos, como os carteis que se colocaron Sanxenxo, Portonovo ou Cambados, entre outras localidades de Pontevedra.
Todas estas accións terán continuidade na nova edición deste proxecto, a do 2023, que se completará con outras novas sobre as que se está traballando, precisou Saleta González, directora técnica do proxecto.
«A creación de actividades como esta nos permite a cada unha das organizacións participantes achegar a nosa experiencia e o noso coñecemento nas moi diversas áreas que abarcamos, para conseguir uns obxectivos de elevado beneficio social», engadiu Pedro Otero. O director xerente de Afundación subliñou que «pomos os nosos recursos a disposición dun proxecto no que o respecto ambiental é o eixo estratéxico para un avance social sostible e igualitario asentado na conservación activa do territorio, convencidos de que a sustentabilidade é a garantía dun futuro de respecto e igualdade».
María García Cabeza, coordinadora de Sustentabilidade de Abanca, resaltou que no caso desta entidade «a nosa participación permítenos avanzar no noso obxectivo de promover un modelo económico sostible e respectuoso co medio ambiente, xa que, entre os nosos compromisos, atópase tamén a protección da biodiversidade antes os efectos nocivos derivados do cambio climático».