A última xornada da competición volveu deparar unha importante colleita de medallas para os padeeiros galegos
02 ago 2021 . Actualizado ás 05:00 h.A Escola de Piragüismo Cidade de Pontevedra concluíu na quinta posición na clasificación xeral por equipos do Campionato de España na molidad de esprint, que onte chegou ao seu fin no encoro de Verducido. A vitoria final foi para o Piragüismo Aranxuez, por diante do Náutico de Sevilla e do Kaiak Tudense.
A última xornada da competición, que arrincara na xornada do venres, volveu deixar unha ampla lista de medallas para os padeeiros pontevedreses e arousáns. Así, todo o máis alto do podio subiron o C-2 xuvenil (Claudia Couto e Lucía Graña) e o sénior (María da Pena e Antía Otero) do Cidade de Pontevedra; o C-4 séniores (David Novás, Pablo Rodríguez, Adrián Sieiro e Sergio Vallejo) do Piragüismo Poio Conservas Pescamar nos 200 metros; o C-2 mixto do O Muíño de Ribadumia (Manuel Fontán e María Pérez) nos 500 metros.
O C-2 séniores do Piragüismo Poio Conservas Pescamar formado por Adrián Sieiro e Sergio Vallejo foi medalla de prata na final dos 200 metros, e o C-2 xuvenil do Náutico Pontecesures (Borja Castiñeiras e Carlos Gutier Picón) na final dos 200 metros e o C-2 mixto formado por Rosalía García e Mateo Pérez do As Torres Romaría Viquinga en distánciaa d e os cincocentos metros concluíron na terceira posición nas súas respectivas probas. Ademais, os breoganistas Enrique Navas (Sénior KL2 500 metros) e Elena Naveiro (Sénior KL3 500 metros) tamén foron ouro.