O piragüismo galego seguiu subíndose ao podio durante o segundo día de probas do Campionato de España Sprint Olímpico que se está celebrando no Pontillón do Castro, en Verducido. A participación xuvenil deixou xa ata oito medallas nas probas que tiveron lugar durante a mañá.
En categoría sénior, o Breogán apuntouse dúas medallas coas parellas do C-2 1000 masculino formadas por David Barreiro e Noel Domínguez (ouro) e Ton Campos e Diego Romero (bronce). Mentres que en K-2 os mellores foron Roi Rodríguez e Pedro Vázquez (Tudense), coa medalla de prata para Miguel Fernández e José Becerro (O Barco). Nos 500 metros Galicia subiu ao caixón nas catro probas. María de La Peña e Antía Otero (Cidade de Pontevedra) foron ouro en C2, Lara Feijoo e Sara Ouzande (Tudense) tamén gañaron o K2; mentres que nos mozos os mellores foron David Barreiro e Ton Campos (Breogán) cunha prata en C2 e o ouro de Xoel García e Cristian Toro (Fluvial Lugo) en K2.
Para rematar, as probas de catro tripulantes volveron estar dominadas polo piragüismo galego con nova choiva de medallas sénior que foron parar aos conxuntos de Kaiak Tudense, Rodeira, Verducido ou Breogán.
Hoxe pon o punto e final este campionato de España con novas probas por equipos que se celebrarán na súa totalidade na xornada de mañá.