Elaborará máis de 600 unidades da típica sobremesa de entroido o día 25 no mercado de abastos
19 feb 2020 . Actualizado ás 11:59 h.Día 25 • 16.30 horas • Mercado de abastos • Máis de 600 filloass elaboradas directamente no espazo gastronómico do mercado de abastos garantirán a todos os asistentes poder gozar deste manxar gastronómico durante a Festa da Filloa organizada por Radio Voz Pontevedra.
O encargado da súa preparación será o Capitán Filloa, un profesional recoñecido pola súa asistencia a eventos que contan entre a súa oferta culinaria con esta exquisita sobremesa típica destas festas. Utilizará dous ferros de ferro e a maiores dos ingredientes para a masa, adozaraas con azucre e canela. Desde as 16.30 ata as 19.30 horas o Capitán Filloa deleitará a todos os asistentes co seu bo facer aos fogóns.
No Concurso organizado por Radio Voz Pontevedra poderán participar todos os afeccionados á hostalería, sen límite de idade, que o desexen. Só teñen que presentar ao concurso 18 filloas, inscribíndose nese momento ou previamente nas oficinas de Radio Voz Pontevedra, situadas na rúa Rosalía de Castro, 30; a través do correo vocesdepontevedra\
O xurado será o encargado de probar as filloas e decidir cales son as mellores. Haberá tres modalidades, con premios en cada unha delas. Na de calidade entregaranse tres premios, o primeiro deles dotado con 450 euros; o segundo con 300 e o terceiro con 180 euros. Na de mellor presentación o primeiro será de 120 euros e o segundo un vale por unha laconada.
O xurado outorgará tamén un premio especial ao participante que asista co mellor disfrace e todos os presenten filloas recibirán un obsequio por asistir.
