Luis Montes pretende que a vitoria da pasada semana en Cidade Real sirva como punto de inflexión ao equipo
18 ene 2020 . Actualizado ás 05:00 h.Acábase a primeira volta para o Condes de Albarei Teucro, que hoxe ás 20.30 horas recibe no Pavillón Municipal de Pontevedra a visita do Cajasur Córdoba coa firme intención de sumar dous importantes puntos que lles permitan ancorarse aos postos de promoción de ascenso.
O equipo pontevedrés ten no rendemento en casa o principal punto a mellorar nesta primeira parte do curso. Luis Montes sostivo onte que agarda que os dous puntos gañados en Cidade Real o pasado sábado sirvan como «punto de inflexión para empezar a dar a boa imaxe que nos está custando manter en casa e que só vimos en partidos puntuais».
Montes advertiu tamén dos perigos dun Córdoba que, a pesar de estar en postos de descenso, sitúase a só dúas vitorias do Teucro.
Consumadas esta semana as baixas dos serbios Perovic e Bojicic, o Teucro valora nestes días a posibilidade de acudir ao mercado en busca dun reforzo máis. Polo momento os azuis só incorporaron ao pivote galego Adrián Fritiría, quen podería debutar hoxe ante a súa nova afección.