A nadadora de Pontevedra, Beatriz Gómez Cortés, finalizou na vixésima praza da proba de 200 metros estilos do campionato de Europa de piscina curta que se está celebrando en Escocia.
Gómez competiu nas preliminares na terceira serie da mañá xunto á tamén representante do equipo español, Paula Juste. A do CN Galaico foi sétima na súa serie cun tempo de 2.13.23, quedándose fose da final. Juste, pola súa banda, foi quinta da serie e décimo quinta na xeral, quedándose tamén sen opcións de loitar polas medallas.
A de onte foi a segunda participación de Bea Gómez nestes europeos de Glasgow tras acabar o pasado xoves décimo terceira nos 400 estilos.
Hoxe, último día do europeo, a pontevedresa pecha a súa participación no campionato continental coa súa terceira e última proba nos 400 metros libre. A serie preliminar de Gómez Cortés terá lugar a partir das 10:36 horas. A final disputarase ás 17:49 horas.