Pontevedra rexistrou 22 vítimas mortais en accidentes de tráfico no que vai de ano
REDACCIÓN / LA VOZ
PONTEVEDRA
19 novs 2019 . Actualizado ás 05:00 h.
O número de accidentes de tráfico con vítimas na provincia de Pontevedra reduciuse este ano con respecto a 2018. Con todo, os falecidos elévanse a 22 nestes primeiros meses do ano cando o pasado eran só 19.
O dato facilitouno a subdelegada do Goberno, Maica Larriba, quen presidiu un minuto de silencio para celebrar o Día Mundial de Recordo ás vítimas e os seus familiares, acto no que estivo acompañada ante o edificio da Subdelegación por numerosas autoridades e cidadáns .
Larriba asegurou que a maioría dos accidentes poderían evitarse e destacou que a resposta ante os mortos e feridos na estrada é a miúdo «inadecuada, incomprendida e inapropiada en relación á perda dunha vida ou da calidade de vida».