Sucedeu en 1983
23 mares 2019 . Actualizado ás 05:00 h.Tal día como hoxe, pero de hai 36 anos, La Voz de Galicia facíase eco dunha petición da Junta Coordinadora da Semana Santa ao entón alcalde de Pontevedra, José Rivas Fontán. Os integrantes da xunta, que invitaran ao rexedor e ao resto de membros da corporación municipal a asistir á procesión do Santo Enterro -que se celebraba o Venres Santo-, queixábanse de falta de colaboración para pór fin «aos problemas existentes desde hai anos». Referíase a Junta Coordinadora da Semana Santa á falta dun local adecuado para poder gardar ándalas, os carros que trasladan as imaxes que desfilan nas procesións da cidade. Daquel encontro, saíuse só con boas palabras, pero sen ningún compromiso concreto. O alcalde trasladou o seu apoio persoal á xunta coordinadora e manifestou que trasladaría aos seus compañeiros de corporación o ofrecemento efectuado, así como a solicitude de buscar un lugar adecuado para o material.