O goberno local vixiará que se manteña entre os feirantes a distancia suficiente para garantir os protocolos anticovid
03 ago 2021 . Actualizado ás 05:00 h.A feira de Verín contará ese martes coa totalidade dos postos autorizados, segundo comunicaba o goberno local. A decisión vén dada pola última actualización de medidas fronte ao covid decretadas pola Xunta, que non impón restricións a aquelas citas feirais que conten con menos de 150 postos. É o caso de Verín que, iso si, vixiará que entre os postos se manteña a suficiente distancia de seguridade para que os usuarios do mercado poidan respectar un espazo de separación interpersoal de, como mínimo, metro e medio.