Os focos de infección son de orixe social ou familiar
30 sep 2020 . Actualizado ás 21:24 h.Seis novos brotes foron detectados na provincia de Ourense nas últimas horas. Catro concéntranse na capital, que segue sendo o municipio con maior índice de focos e casos positivos, con preto de 300 persoas infectadas. Hai dous brote de índole familiar que afectan a catro persoas cada un. Nun son dous homes, de 53 e 16 anos, a unha muller de 49 anos e a un menor; mentres que no outro se agrupan dous homes, de 65 e 53 anos, un mozo de 16 e unha muller de 56. Tamén son catro os infectados nun foco de orixe social: catro homes de 53, 33, 22 e 33 anos. E seis mulleres de 40, 20, 18, 17, 42 e 25 anos compoñen o cuarto foco, de orixe social e familiar.
En Ribadavia hai un novo foco que afectan a 4 persoas dunha mesma familia. Trátase dunha muller de 29 anos, un home de 31 e dous menores.
Ademais hai oito persoas dunha mesma familia, residentes en Baltar e Xinzo de Limia, que están contaxiados. Trátase dun home de 70 anos, catro mulleres de 28, 32, 65 e 33 anos e 3 menores.
Aos seis novos focos súmase a ampliación de casos nun xa existente, comunicado onte. Aos dous homes de 51 e 33 anos, e dúas mulleres de 25 e 48 anos cuxos positivos se coñeceron o luns únese agora un home de 54.