A achega da Xunta tamén servirá para mellorar un parque infantil
13 novs 2020 . Actualizado ás 05:00 h.O delegado da Xunta e a directora xeral de Administración Pública, Gabriel Alén e Natalia Prieto, visitaron as obras que se están desenvolvendo no municipio. O executivo autonómico destinou unha partida de 28.000 euros ás obras de mellora que executan na casa consistorial e nun parque infantil do municipio.
Desde Vicepresidencia da Xunta destacouse a colaboración que se mantén con Pontedeva e lembrouse que o municipio recibiu nos últimos anos 860.000 euros en subvencións para desenvolver diferentes actuacións en proxectos acometidos no termo municipal. A colaboración entre ambas as institucións, ou a través da Mancomunidade Terras de Celanova, deu resposta nestes anos ás demandas expostas desde Pontedeva.