En Ourense son 182 os veciños contaxiados; e 16 en Vilamarín
05 ene 2021 . Actualizado ás 05:00 h.O martes pasado, a directora xeral de Saúde Pública, Carmen Durán Parrondo, referíase á situación da cidade de Ourense. E dicía que a incidencia acumulada a 14 días mellorara», e estaba por baixo de 150 casos por cada 100.000 habitantes. Apenas unha semana despois, a situación non só deixou de mellorar, senón que empeorou de xeito substancial. Os 154 casos activos o 28 de decembro ascendían este primeiro luns de ano a 182. Nos últimos catorce días rexistráronse 168 contagios, o que eleva a incidencia acumulada a 105 por 100.000 habitantes (extrapolando os datos sobre os 105.233 veciños que hai na cidade). Aínda non é un mal dato, pero mostra unha tendencia en negativo, e faino nun contexto xeneralizado de subida, non só no número de casos activos na provincia (670, tras sumar 87 novos positivos e 22 altas o domingo, último dato oficial), senón na presión asistencial (hai 25 hospitalizados en planta covid e tres na uci).
Ademais, o virus circulou cara a concellos limítrofes. En Vilamarín, que durante semanas estivo libre de casos, hai 16 persoas contaxiadas.