UD Ourense e Ourense CF encomendaron a Ociosaugal os seus respectivos campus de fútbol
27 dic 2020 . Actualizado ás 05:00 h.A pesar da ausencia de torneos e convocatorias xa clásicas nas vacacións do Nadal en Ourense, si se manteñen no calendario balompédico iniciativas de formación, como os campus da UD Ourense e do Ourense Cf.
En ambos os casos, as propostas dos clubs da capital ourensá foron encomendadas a Ociosaugal, que as desenvolverá para nenos de 4 a 14 anos nos campos de Vilar de Astrés e Oira, do 28 ao 30 do presente mes e en horarios de 10.00 a 13.30 horas. O método Coerver é o elixido para o adestramento individual dos nenos, que ademais están protexidos por un estrito protocolo anti covid.
No veciño Concello de San Cibrao das Viñas, a institución local e o Polígono tamén contarán cos servizos de Ociosaugal para unha iniciativa similar.