O servizo de limpeza amplíase con catro persoas que percorren a pé as rúas do barrio do Couto
01 oct 2020 . Actualizado ás 05:00 h.O Concello de Ourense informou este mércores dun reforzo nos traballos de desinfección das zonas máis sensibles da cidade. Ademais dos camións cargados con produto viricida que se utilizan desde que arrincou a alarma sanitaria, as tarefas hanse ampliado con catro persoas que percorren a pé con mochilas de desinfección as rúas do barrio do Couto. Aplican o produto sobre todo en colectores, papeleiras, bancos e sinais.