O sospeitoso, de 23 anos, foi pillado «in fraganti» por axentes da Garda Civil nos Blancos e foi enviado a prisión preventiva polo xuíz de Xinzo
17 jun 2019 . Actualizado ás 17:34 h.Un mozo de 23 anos, veciño dos Blancos, foi detido pola axentes da Garda Civil como presunto autor de numerosos incendios forestais que se rexistraron na comarca nos últimos meses. O sospeitoso, C. S. L., foi arrestado na tarde do domingo, cando varios efectivos do instituto armado pillárono «in fraganti». Segundo transcendeu estaba plantando un lume en Nocedo de Ribeira, e tras ser interceptado polos axentes do instituto armado tería intentado agredilos. O xuíz de garda ante o que pasou a disposición ditaminou o seu ingreso en prisión provisional, comunicada e sen fianza, investigado por incendios forestais e atentado, segundo confirmou o TSXG.
O arresto do sospeitoso hase efectuado no marco da operación Agalladeira II, dirixida polos integrantes do Servizo de Protección á Natureza, Seprona.
Ao detido, que na mañá do luns declarou no xulgado de Xinzo de Limia, impútaselle un delito de atentado a axentes da autoridade e 16 delitos de incendio forestal, ocorridos entre xaneiro e xuño nos concellos dos Blancos, Baltar e Xinzo de Limia, onde resultaron afectadas en total 3,75 hectareas de monte arboledo e desarbolado.